ზინედინ ზიდანი – ყველაზე დახვეწილი და სრულყოფილი ფეხბურთელი რომელიც მე მინახავს ფეხბურთით ტკბობის დროს.
მინდა თავს უფლება მივცე და დავწერო მისი ლეგენდარული კარიერიდან რამოდენიმე მატჩზე.
2002 წელს მსოფლიო ჩემოიონატზე პირველი ორი მატჩი ზიდანის გარეშე ჩაატარა საფრანგეთმა და ვერც ერთი თავის სასარგებლოდ ვერ დაასრულა. პირველი მატჩი საერთოდ შოკისმომგვრელის იყო საფეხბურთო სამყაროსთვის. სენეგალმა საფრანგეთს მინიმალური ანგარიშით 1-0 მოუგო. მეორე მატჩში ყველა ელდოდა საფრანგეთის აღზევებას თუმცა აქაც იმედგაცრუება ელოდათ ფრანგებს. მატჩი ურუგუაის ნაკრებთან 0-0 დასრულდა.
აი მესამე მატჩი როდესაც ზიდანი აქტიურ მდგომარეობაში ვიხილე. მარცხენა ფეხი შეხვეული ჰქონდა. თამაში ისე დასრულდა რომ ერთი-ორი ეფექტური პასის გარდა ვერაფერი განსაკუთრებული ვერ ვიხილე. მაგრამ ეს სრულიად ბუნებრივია. ზიდანი შეხვეული, ნატკენი ფეიხთ თამაშობდა და აშკარად ეტყობოდა რომ სიარულიც კი უჭირდა და კოჭლობდა.
(ზიდანი კოჭლობით მიემართება თავის ნახევრისაკენ. 2002)
ზიდანის ხილვა მომიწია უკვე ჩემპიონთა ლიგის მატჩის დროს. ჩემი საყავრელი გუნდის წინააღმდეგ. მადრიდის რეალი – მანჩესტერ იუნაიტედი
ბურთიანად ისე ლაღად დარბოდა აქეთ-იქით, ისე მოძრაობდა ბურთთან ერთად თითქოს მაგნიტის კაცი იყო, ბურთი კი რკინის.
ამ მატჩის პირველი გოლი ფიგუს შესრულებით, სწორდ მისი და ფიგუს გათამაშებით გავიდა. პორტუგალიელი ფლანგზე აკონტროლებდა ბურთს, გადააწოდა ფრანგს, ზიდანის ერთი ელეგანტური მოძრაობა და უესლი ბრაუნი მთელი ტანით ტრიალდება და კარგავს პოზიციას. პასი ისევ ფიგუზე და ბურთი ცხრიანშია.
მეორე გოლიც მან „გააკეთა“ . კარლოსმა ჩაჭრა ბურთი საჯარიმოს მოსადგომებთან, ბურთთან პირველი ზიდანი გაჩნდა და ერთი შეხებით პასი რაულზე და მეორე გოლი.
(ზიდანისა და როი კინის დუელი. 2003)
ამის შემდეგ მისი რამდენი თამაში აღარ ვიხილე, ერთის თქმა შეიძლება დანამდვილებით, ის არ აკონტროლბდა მხოლოდ ბურთს, ის აკონტროლებდა მთელ მატჩს. ის კარნახობდა მატჩის მიმდინარეობას. ზიდანი არ თამაშობდა გუნდის გარშემო, გუნდი თამაშობდა ზიდანის გარშემო.
ის ყოველთვის ერთი ან ორი ნაბიჯით წინ იყო მეტოქეზე, ბურთის მიღების დროს მან უკვე იცოდა რას იზავდა მეტოქე და რა უნდა ექნა მას, ამას აკეთებდა ელეგანტურად და ეფექტურად. ზედმეტი მოქმედებებისა და ბურთთან შეხების გარეშე.
არიან მთელი რიგი ფეხბურთელები რომლებსაც ბურთი მართავს. ამ რიგში არ შედიოდა ზიდანი. ის თავად მართავდა ბურთს, თითქოს ბურთი იწევდა მისკენ და ემორჩილებოდა მას როგორც გაწვრთნილი ძაღლი ემორჩილება პატრონს.
ჩემს მეხსიერებაში არის კიდევ ერთი მატჩი. ევროპის ჩემპიონატი 2004 წელი.
ზიზუმ კიდევ ერთხელ გაილაშქრა ინგლისის ნაკრების წინააღმდეგ და ამჯერად უშუალოდ თვითონ დაამარცხა.
ანგარიში ინგლისმა გახსნა. ბექჰემის ჩაწოდება და ლამპარდმა გაიტანა. თამაში დაძაბული გამოდგა, ნამდვილი დრამა გამოვიდა. ბექჰემმა პენალტი გააფუჭა. მატჩის ბოლოს კი ზიდანმა ჯერ ჯარიმა შეუგდო ინგლისს, შემდეგ კი პენალტი. თამაში დამთავრდა.
დასრულდა, ზიზუ გამარჯვებულია.
(დუბლი ინგლისის ნაკრებთან. 2004)
ზინედინ ზიდანმა განცხადება გააკეთა, რომ ის დატოვებდა დიდ ფეხბურთს 2006 წლის მსოფლიო ჩემპიონატის დასრულებისთანავე. ასე რომ წინ ცხელი მუდნიალი იყო, ზიდანისთვის ბოლო მატჩები დიდ ფეხბურთში.
ჯგური ეტაპზი საფრანგეთმა დამაჯერებლად ვერ გაიარა. ორი ფრის შემდეგ მესამე გადამწყვეტ მატჩში ზიდანმა ვერ მიიღო მონაწილეობა ორი ყვითლის გამო. თუმცა ფრანგებმა მთავარი ლიდერის გარეშე 0-2 დაამარცხეს ტოგო და ფლეი ოფ-ში მეორე ადგილიდან გავიდნენ.
ფლეი ოფი კი უკვე ზიდანის გამოდგა. ესპანეთი – საფრანგეთი (1:3) ზიდანი მესამე გატანილი გოლის ავტორი იყო. შემდეგ საფრანგეთმა მთავარი ფავორიტი და მოქმედი მსოფლიო ჩემპიონი ბრაზილიის ნაკრები მინიმალური ანგარიშით დაამარცა (0:1) და გამოთიშა ასპარეზობას. მატჩის ვარსკვლავი ზიზუ იყო. სწორედ მისი ჩაწოდების შემდეგ გავიდა გოლი ბრაზილიელთა კარში. ნახევარფინალში საფრანგეთი პორტუგალიას დაუპირისპირდა. აქაც ერთადერთი გოლი გავიდა და მისი ავტორი ზიდანი იყო. მან პენალტი გამოიყენა და წინ გაიყვანა თავისი ნაკრები. (0-1) სწორედ ამ გოლით გავიდა საფრანგეთი ფინალში.
ფინალის მთავარი მოქმედი პირიც ზიზუ იყო, მანდ ულამაზესი პენალტი გაუტანა იტალიის ნაკრებს.
(ზინედინ ზიდანის პენალტი იტალიასთან. 2006)
მატჩის ბოლოს მოხდა ინციდენტი რომლის შემდეგაც ზიდანი მოედნიდან გააძევეს. მან იტალიელთა მცველს მარკო მატერაცის თავი მკერდში ჩაარტყა და ბალახზე დააგდო. ეს იყო მატჩის პიკი. შოკისმომგვრელი მომენტი. მაშინ არავინ იცოდა თუ რა იყო ამის მიზეზი. გადაწყვეტილება იყო მკაცრი და ამის შეცვლას არავინ აპირებდა. ზიზუმ მოედანი დატოვა, ამის შემდეგ პირადად ჩემთვის ამ ფინალმა სხვა სახე მიიღო. თითქოს რაღაც უბრალო მატჩი იყო რომელიც თერთმეტმეტრიანების სერიამდე მივიდა.
გაძევებისას მან ნელა ჩაუარა მსოფლიო ჩემპიონატის თასს და ისე გავიდა მოედნიდან.
(ზინედინ ზიდანი იტალიასთან წითელი ბარათის შემდეგ. 2006)
ეს იყო სევდიანი დასასრული საფეხბურთო ლეგენდისა. ლეგენდისა რომელმაც შექმნა დიდი ეპოქა და დაარქვა მას თავისი სახელი. მისი სახელია ზინედინ ზიდანი.
